Waxa noo bilaabmay diyaarinta qorshaha Casriyaynta Madaarka Caasimada Hargeysa ee Egal International Airport, kadib markii ay dalka soo gaadheen masuuliyiin ka socda Shirkadda Maharat International Investment, oo ah shirkadda maalgelinaysa mashruuca casriyaynta madaarka Hargeysa.
Waxaa xusid mudan in 16-kii Sebtembar 2025 magaalada Dubai ee dalka Isu-tagga Imaaraadka Carabta aanu saxeexnay heshiis maalgelin ah oo dhan $70 MN (Toddobaatan milyan oo dollar), kaas oo lagu fulinayo dhismaha iyo casriyaynta Madaarka Hargeysa.
