Maanta waxa aanu shacabka Jamhuuriyadda Somaliland la wadaagnay warbixinta xaalladihii ugu dambeeyay ee Arrimaha Maamulka Hawada iyo caqabada eVisa oo qayb ka ahayd tallaabooyin lagu carqaladaynayo hawada iyo socdaalka JSL, hase yeeshee meesha laga saaray laga bilaabo shalay.
Bishii April ee sannadkan ayay ahayd markii ay soo saartay Soomaaliya amar mamnuucaya in diyaaradaha imanaya Somaliland ay soo qaadaan muwaadiniinta haysta Baasaboorada wadamo saaxiib la ah Somaliland, arrintaas oo aanu Xukuumad ahaan ka hawl-galnay meeshana ka saarnay.
Shacbiga Somaliland waxa aan u sheegayaa in lagu jiro marxalad muhiim ah oo ay lagama maarmaan tahay in la adkeeyo midnimada dhexdeena, Xukuumaddana lagu taageero tallaabooyinka lagaga hor-tagayo weerarada Soomaaliya.
